Zer da Nahiko?

Nahiko Berdintasunerako, errespeturako eta indarkeria ezarako hezkidetza-programa bat da.

Berdintasunean oinarritutako bizikidetza lortu nahi duen programa da, balioetan heziz, oinarritzat hartuta giza eskubideak eta genero-rolen azterketa kritikoa, emakumeen aurkako indarkeria desagerrarazteko.

Eraldaketa sustatzen du, eskola mistoaren eredutik hezkidetzako eskolaren eredura.

Lehen Hezkuntzako ikastetxeetan inplementatzen da, non irakasleek programaren material didaktikoari buruzko ezagutza eskuratzen duten eta ikasleekin praktikan jartzen duten.

Gaur egun ikastolan ezinbestekoa ikusten dugu gure ikasle diren neska eta mutilen arteko bizikidetza harreman giroa hobetzea. Berebiziko garrantzia dauka berdintasunean eta giza eskubideetan heztea, baina hori ez da posible emakumeen aurkako indarkeria ez bada prebenitzen

 

Hori dela eta erabaki dugu Emakunderen Nahiko programa hezkidetzailea abian jartzea. Tutoretza saioetan erabiltzeko programa da Nahiko programa; hain zuzen, berdintasunez, errespetuz eta biolentzia gabe bizitzen ikasteko tutoretza programa, eta bi urtetako iraupena dauka. Pertsonak osoki garatzea dugu helburu, sexuaren araberako estereotipoak eta rolak kontuan hartu gabe.