Jarduera Osagarriak

Ikastolaren eginkizuna klase orduekin bakarrik lotzeko ohitura dugun arren, haratago doala uste dugu. Eta horren adibide argia dira ikastolako eskolaz kanpoko ekintzak, jantokiko ordua eta asteburuetako topaketak.
Dokumentazio gehigarria: 

Izan ere, jarduera osagarriak tresna garrantzitsua dira pertsonak bere osotasunean hezteko, eta gure ikasleen mugimendu eta adierazpen gaitasunak aberasteko, harremanak sendotzeko eta haien zaletasunak bideratzeko. Horregatik, gure eskaintza ez da mugatzen jarduera zehatzetara. LH 4ra arteko ikasleentzako, jarduera anitzez osatutako egitasmoa dugu Azkue Lekeitioko ikastolan, eta multikirola da horren adibiderik argiena. Urteko kuota: Astean jarduera bat 60€ (urtekoa) astean 2 jarduera 120€ (urtekoa). Kuota bi zatitan kobratuko da, azaroan eta otsailean Ikastolako kuotarekin batera. Autobus bidaien ordainketa: Asteburuko topaketarako edo partidetarako alokatzen diren autobusak, joan ala ez, guztien artean ordainduko dira. (11€ bidaiako) ekaineko kuotan. Tokiak: ikastolako instalazioak, atletismo pista, Isuntza Arraun Elkartearen lokala, hondartza, kiroldegia, herriko errepideak eta kaleak. Asteburuetako topaketak: Bi topaketa mota daude. 1. Herrian bertan ospatzen direnak Ikastolak edo Ikastolak herriko klubekin antolatutakoak izango dira. 2. “Eskola Kirola” proiektukoak Bizkaiko Foru Aldundiak antolatuko ditu.

MUGI-MUGI

HH 4-5eko ikasleentzako aukera ezin hobea, musika eta jolasa oinarri hartuta, erritmoa, mugimendua eta adierazpena lantzeko..

JOLASAK

LH 1-2ko ikasleentzako aukera ezin hobea, oinarrizko ezaugarri fisikoak aurre-kirol jolasekin, erritmo eta dantza jolasekin eta gure betiko jolasekin lantzeko.

MULTIKIROLA

LH 3-4ko ikasleentzako aukera ezin hobea, oinarrizko ezaugarri fisikoak kirol ezberdinak praktikatuz lantzeko: Saskibaloia, futbola, boleibola, hokeia, atletismoa, pilota, herrikirola, igeriketa, mahaiko jolasak, bizikleta, mendia, eskalada, arrauna….


TXIKI-DANTZA

Eva Mayol eta bere alaba Aixiak hain arrakastatsua bihurtu duten jarduera beste behin izango dugu gurean (aurten arratsaldez). Mugimendua, erritmoa, gorputz adierazpena eta talde dantzak landuko dituzte musika oinarri hartuta.

Gure proiektuaren irizpide eta helburuak
LH 4 maila-arte ikastolan antolatzen den eskola-kirolean parte-hartzea aurrezten dugu beste herriko kirol aukeren aurretik. Halere, adin tarte horretan (HH 4-5 eta LH 1-2-3-4), herriko kirol edo jarduera fisiko bat egitekotan, Ikastolako eskola-kirolarekin konbinatzearen alde gaude. Denen parte hartzea bermatzen dugu. Gela kideekin aritzea eta gaitasun mailagatik edo neska-mutil izateagatik ez egitea bereizketarik eta aukeraketarik. Kirol aniztasunaren alde egiten dugu. LH 4 maila-arte behintzat umeak kirol, jolas eta jarduera fisiko desberdin ugari egiteari ematen diogu garrantzia. Kiroletan eta jolasetan lehiaketa egoerak ez lantzea bakarrik. Kirola hezitzailea izateko beste aspektu hauek lantzea ezin bestekoak ikusten ditugu: elkar lan jolasak, gorputz adierazpen jarduerak, norbere gaitasunak ezagutzeko eta hobetzeko jarduerak landuko dira ere. Haurraren adin eta ezaugarrietara egokitzen dugu kirolaren arautegia, materiala eta saioak. Ikastolako Hezkuntza Proiektuarekin bat datorren eskola-kirola izan behar du. Aisialdian euskara erabili dezaten, begirale-kirol arduradun-tutore-gurasoen lotura ematen eta ikaslearen hezkuntzan gure ekarpena egitean jarriko ditugu ahalegin guztiak.

X